Like most websites we use cookies. If you're happy with that, just carry on as normal - otherwise to find out more click here.
 
 
 
Галоўная   ›   Хроніка Вясны   ›   У Беларусь вярнуліся шчуркі-пчалаедкі – вясна прыйшла канчаткова!
Друкаваць
Даслаць сябру

У Беларусь вярнуліся шчуркі-пчалаедкі – вясна прыйшла канчаткова!

2020.05.20
У Беларусь вярнуліся шчуркі-пчалаедкі – ...
3-га траўня ў Беларусь вярнулася самая прыгожая і рэдкая птушка кампанii “Жывая вясна” – экзатычная шчурка-пчалаедка! Яе заўважыў у Мінскай вобласці Андрэй Гаршкоў.
5 траўня калонію шчурак-пчалаедак заўважыў, таксама ў Мінскай вобласці, сябра АПБ Павел Новiкаў.
Птушак я ўбачыў у вядомым месцы, на кар’еры ў Мінскім раёне. Заўважыць іх вельмі лёгка, а яшчэ лягчэй пачуць: такі гам стаіць! Прыляцела калонія, прыкладна каля 40 асобін”, – дзеліцца Павел Новiкаў.
Шчурка мае бліскучы сіне-зялёны колер. Гняздуецца звычайна ў кар’ерах ці ў пясчаных абрывах. Гнездаванне гэтых птушак адзначана ва ўсіх абласцях нашай краіны.
Золотистые щурки
Шчуркі-пчалаедкі. Фота Паўла Новікава
Калі вы ўбачыце гэтую яркую птушку, заносьце сваё назіранне на карту “Жывой вясны”. На сайце “Жывой вясны” можна паглядзець веснавую міграцыю ў Еўропе ў руху, для кожнага віду асобна. Для Беларусі можна нават убачыць актыўнасць птушак і назіральнікаў па абласцях. У нашай краіне зарэгістравана ўжо больш за 800 назіранняў за птушкамі-вестунамі вясны.
Золотистые щурки
Шчуркі-пчалаедкі. Фота Паўла Новікава


Па мапе мы бачым, як вясна прыходзіць у розныя краіны кантынента. З прылётам шчуркі-пчалаедкі можна лічыць, што вясна канчаткова прыйшла ў Беларусь, бо шэсць астатніх птушак-вестуноў вясны ўжо тут: белы бусел (белый аист), вясковая ластаўка (деревенская ласточка), чорны свіргуль (черный стриж), зязюля (кукушка), ластаўка-зямлянка (береговая ласточка), вялікi зуёк (галстучник).
Заклікаем усіх быць уважлівымі і заносіць свае першыя сустрэчы з гэтымі прыгожымі птушкамі на анлайн-карту.
Кампанія «Жывая вясна» ажыццяўляецца дзякуючы падтрымцы HeidelbergCement.
Тэкст: Ксенія Малюкова
Гало
ўнае фота: Паўла Новікава (шчурка-пчалаедка)
Чытай таксама:

Spring Alive is supported by

HC Group